AZAM FC,SIMBA SC ZAFANYA KUFURU USAJILI DIRISHA DOGO

Tokeo la picha la azam fc vs simba

 WAKATI dirisha dogo la usajili wa Ligi Kuu Bara likifungwa saa sita usiku kuamkia leo, Simba na Azam FC zimeonekana kuwa na ‘vurugu’ nyingi katika kusajili wachezaji wa kimataifa na kitaifa katika kufanya marekebisho ya vikosi vyao tofauti na wapinzani wao kwenye ligi.
Mbali na timu hizo, Mbeya City imeonekana kujipanga pia kwa kusajili wachezaji wengi wa kimataifa kulinganisha na misimu iliyopita tangu imeanza kushiriki Ligi Kuu.
Kwa upande wa mabingwa watetezi, Yanga, mpaka jana jioni walifanya usajili wa wachezaji wawili pekee Justine Zulu wa Zambia na Emmanuel Martin kutoka Zanzibar na kuachana na Mbuyu Twite.
Hata hivyo, idadi ya wachezaji iliowasajili inaweza kuongeza ama kubaki hiyo hiyo kwani mpaka jana jioni taarifa zilidai kulikuwa na kikao kizito kuhusu usajili. Mzunguko wa pili wa ligi hiyo unatarajiwa kuanza kesho na macho ya wengi yanatamani kuona namna ambavyo usajili wa timu hizo utakavyoleta matunda, kila mmoja akionesha wazi kuwa anarudi kushindana na sio kusindikiza.
Simba imemsajili kiungo wa Ghana, James Kotei, kipa Daniel Agyei kutoka Medeama ya Ghana, Juma Luizio aliyekuwa Zesco United na Pastory Athanas kutoka Stand United huku ikipandisha wachezaji wawili kutoka kwenye timu yake ya vijana nahodha Moses Kitundu na beki Vincent Costa.
Taarifa ya Simba kwa vyombo vya habari jana ilisema katika kuimarisha kikosi chake timu hiyo imewatoa kwa mkopo Awadh Juma na Malika Ndeule waliokwenda Mwadui ya Shinyanga, Emmanuel Semwanza aliyekwenda kwa mkopo Ma- jimaji huku ikimrudisha Ame Ally ‘Zungu’ kwenye klabu yake ya Azam.
Zungu ametolewa tena kwa mkopo Kagera Sugar. Aidha Simba imeachana na kipa wake M-Ivory Coast, Vincent Angban na kiungo kutoka Congo DR, Mussa Ndusha. Kwa upande wa Azam, FC imesajili wachezaji Joseph Mahundi kutoka Mbeya City, Yahaya Mohamed, Samweli Afful, Daniel Agyei, Yakubu Mohammed (Ghana), Abdul Mohamed, Stephan Mpondo wa Cameroon.
Imeachana na Jean Mugiraneza ambaye anadaiwa kupata timu Vietnam. Pia, mapema iliwaacha Paschal Wawa, Michael Bolou na Thomas Renaldo wa Ivory Coast. Huenda kuna wazawa wengine watajulikana kuanzia leo. Miongoni mwa wachezaji wengine waliowahi kutajwa kuwa watapelekwa timu nyingine kwa mkopo ni Malimi Busungu na Antony Mateo.
Bado klabu hiyo imekuwa ikifanya mambo yake kwa usiri mkubwa pengine leo wataweka wazi. Aidha, Mbeya City pia imefanya kufuru kwa kuwasajili washambuliaji Mrisho Ngassa na wageni watatu ambao ni Tsipa Leonard kutoka Caps United ya Zimbabwe, Waganda Tito Okello, Hood Mayanja pamoja na beki William Otong ambao waliichezea African Lyon mzunguko wa kwanza wa ligi.
Tokeo la picha la majimaji fcMajimaji imewasajili Kelvin Sabato kutoka Stand United na kipa wa Ivory Coast Kuitche Bidou. Kagera Sugar imewasajili kipa Juma Kaseja, Zungu na Mohamed Fakii ambao wote wana uzoefu mkubwa na ligi.
Kwa upande wa Mwadui imesajili wachezaji watano ambao ni Awadh Juma na Malika Ndeule (kwa mkopo Simba), Razack Khalfan (aliyekuwa kwa mkopo Singida United), Abdallah Seif (Azam) na Meshack Abel (African Lyon).
Nayo JKT Ruvu imefanya usajili wa wachezaji sita Edward Songo kutoka JKT Mlale, Edward Charles kutoka Geita Gold, huku wakimrejesha mshambuliaji Husein Bunu, Ally Bilal, Benjamin Magulu na Renatus Ambrose.

Comments

Post a Comment

Popular posts from this blog

SIMBA SC YATAMBA KUENDELEZA REKODI YAO LEO

Image
VINARA wa Ligi Kuu Tanzania bara, Simba wanatarajiwa kuendeleza rekodi yao ya kufanya vizuri bila kupoteza katika mchezo dhidi ya Mbao FC utakaochezwa leo kwenye Uwanja wa Uhuru Dar es Salaam. Simba inajivunia kwa kila kitu. Inaongoza kileleni kwa pointi 23 katika michezo tisa iliyocheza kati ya hiyo imeshinda saba, imepata sare mbili, ikiwa na jumla ya mabao ya kufunga 17 na kuruhusu kufungwa matatu pekee. Timu hiyo inajivunia mchezaji wake Shizza Kichuya akiongoza katika safu ya ushambuliaji kwa kufunga mabao saba peke yake hadi sasa, huku wengine katika timu nyingine wakifunga kuanzia manne. Hiyo ni kabla ya matokeo ya jana. Iwapo itaendeleza ushindi itajiwekea rekodi ya kucheza michezo 10 bila kupoteza. Lakini pia, macho yataendelea kuwatazama washambuliaji wake wenye uchu wa kufunga wakati wote ambao ni Kichuya, Ibrahim Ajib na Laudit Mavugo. Kocha Msaidizi wa Simba, Jackson Mayanja alisema kuwa ikiwa kikosi chake kitaendeleza umoja ilionao sasa, basi njia itakuwa nyeup...
Read more

SINEMA YA CUF NA PROF LIPUMBA YAFIKIA PATAMU

Image
Bodi ya wadhamini ya Chama cha Wananchi (CUF), imegawanyika vipande viwili  kutokana na mgogoro wa uongozi unaoendelea ndani ya chama hicho.   Kugawanyika kwa bodi hiyo kumekuja siku moja baada ya Mwenyekiti wake, Abdallah Katau kutangaza kutomtambua Profesa Lipumba, huku baadhi ya wajumbe wakipinga tamko hilo wakiliita ni batili kwa mujibu wa katiba ya CUF.   Akizungumza na waandishi wa habari jana jijini Dar es Salaam kwa niaba ya wajumbe wenzake, mjumbe wa bodi ya chama hicho, Peter Malebo, alisema hawatambui tamko lililotolewa na mwenyekiti wao kwani bodi hiyo inajiandaa kuwakutanisha mwenyeki wa chama hicho, Profesa Ibrahim Lipumba na Katibu Mkuu wake, Maalim Seif Sharif Hamad ili kuweza kutafuta suluhu ya mgogoro huo.   Alisema kutokana na hali hiyo, watakaa na wajumbe wenzao na kujadili suala hilo kabla ya kuwaita viongozi hao ikiwa ni pamoja na kujadili ushauri wa Msajili wa Vyama vya Siasa nchini, Jaji Francis Mutungi.   “Tutakaa na...
Read more